ભગલો........@ અરવિંદ બારોટ

ભગલો........@ અરવિંદ બારોટ
-----------------

ભગલાને તો ભારે થઇ !
નામ રૂડું 'ભગવાનદાસ ત્રિભોવનદાસ અકલકરા'
પણ બધા 'ભગલો'જ ક્યે !
કર્યો આઈડિયા ભગલાએ-
નામ રાખ્યું-ભગેશ ટી.
તોય કે'વાણો 'ભગલો'
ભગાને બરોબરની ચાટી ગઈ...
B T. નામથી સહી કરીને ભગા શરુ કર્યા.
'ને જામી ગ્યો ભગલો.
ભગલાને તો રૂપિયાના ઢગલા !
પછી તો
લીધી ગાડી,આવી લાડી,
આવી લાડી,કાઢી માડી.
"મારી માને કાઢી મૂકી ?તારી જાતની....!
"ભગો બદલ્યો.બૈરીને તગડી મૂકી.
બાયડી તો બીજીય થાય...મા ક્યાં મળે ?
નીકળ્યો માને ગોતવા ..
પંચાયતના બાંકડે મા બેઠી'તી,
દીકરાને ભાળીને માએ ગડગડતી દોટ મૂકી...
આવ્યો,..મારો ભગલો આવ્યો...!
હા,મા !હું તારો ભગલો....!