Friday, January 2, 2015

જો મળે તો ...@ અરવિંદ બારોટ.

જો મળે તો ...@ અરવિંદ બારોટ.
-------------------
ભારેલો અગ્નિ છું, હું કંઇ ઠર્યો નથી, હો !
ભડકો થાઉં,થોડી પણ જો હવા મળે તો !

સળગીને હું રાખ થયો, પણ મર્યો નથી, હો !
બેઠો થાઉં , થોડી પણ જો દવા મળે તો !

જપતાં જપતાં જીભલડી તો જળી ગઈ છે,
ફેરું માળા,લાવ ! ટેરવાં નવા મળે તો !

સરવર પીધાં તોયે તૃષા શમી નથી રે !
બે-ત્રણ ખોબા પીઉં,હવે ઝાંઝવાં મળે તો !

માણસ થઇને જોઈ લીધું,મજા નથી કંઇ !
આજે તો ઈશ્વર થાવું છે,થવા મળે તો !

No comments:

Post a Comment