ઝળઝળિયાંને કાંઠે......@ અરવિંદ બારોટ
----------------
ઝળઝળિયાંને કાંઠે મેં તો બાંધી રામ-મઢૂલી !
નોધારા હિંડોળે મારી મનસા રહી છે ઝૂલી....
દરિયાને તો ખોબેખોબે આમ ઉલેચી નાખું,
કેમ કરીને આંખ ઉલેચું ? અંતે હાર કબૂલી !
પડછાયાના પગરવ ધીમાધીમા ઓરા આવે,
આ ઘડીએ આવે એ વાટે ડેલી છે અધખૂલી....
પાદરની દેરીના દીવે વાટ્ય ચડી દિ' ઊગ્યે,
ગોધૂલિના ટાણે દેરી સાવ અટૂલી ! સાવ અટૂલી !
----------------
ઝળઝળિયાંને કાંઠે મેં તો બાંધી રામ-મઢૂલી !
નોધારા હિંડોળે મારી મનસા રહી છે ઝૂલી....
દરિયાને તો ખોબેખોબે આમ ઉલેચી નાખું,
કેમ કરીને આંખ ઉલેચું ? અંતે હાર કબૂલી !
પડછાયાના પગરવ ધીમાધીમા ઓરા આવે,
આ ઘડીએ આવે એ વાટે ડેલી છે અધખૂલી....
પાદરની દેરીના દીવે વાટ્ય ચડી દિ' ઊગ્યે,
ગોધૂલિના ટાણે દેરી સાવ અટૂલી ! સાવ અટૂલી !
No comments:
Post a Comment