વન.............@ અરવિંદ બારોટ
---------------
આજ અમારી નમણાશુંના આંગણિયે-
શમણાનાં ઊગ્યાં વન,
ટહુકે ચીંખી ઊઠયાં તન.
સીમ દીમના મારગડેથી ધૂળિયાળી લીલાશે,
અમને પોંખ્યા ભરી ભીનાશે,
વાલમ,કિયા જનમની આશે-
વનમાં વલવલતું આ ભમે અમારું મન.....!
લીલા વનને,પાંદ-પાંદડે પલળીપલળી પાયું,
તમને ગમતું ગાણું ગાયું,
વાલમ,તમને કેમ સમાયું-
અમને વાછોડવાનું !કેમ કરીને વળ્યું તમારું મન !
આજ લગી ના ખમ્યા વાયરા,વરસ્યા શૂળે શૂળ,
સુકાણાં હથેળિયુંનાં ફૂલ,
પાંપણે ફરકે પીળી ધૂળ,
હવે તો નયને ઊગ્યા થોર,વિરહને વગડે કોળ્યા દન......
---------------
આજ અમારી નમણાશુંના આંગણિયે-
શમણાનાં ઊગ્યાં વન,
ટહુકે ચીંખી ઊઠયાં તન.
સીમ દીમના મારગડેથી ધૂળિયાળી લીલાશે,
અમને પોંખ્યા ભરી ભીનાશે,
વાલમ,કિયા જનમની આશે-
વનમાં વલવલતું આ ભમે અમારું મન.....!
લીલા વનને,પાંદ-પાંદડે પલળીપલળી પાયું,
તમને ગમતું ગાણું ગાયું,
વાલમ,તમને કેમ સમાયું-
અમને વાછોડવાનું !કેમ કરીને વળ્યું તમારું મન !
આજ લગી ના ખમ્યા વાયરા,વરસ્યા શૂળે શૂળ,
સુકાણાં હથેળિયુંનાં ફૂલ,
પાંપણે ફરકે પીળી ધૂળ,
હવે તો નયને ઊગ્યા થોર,વિરહને વગડે કોળ્યા દન......
No comments:
Post a Comment