ભલાજી...........(ખખડધજ ખાનદાનીનો છેલ્લો નમૂનો) @અરવિંદ બારોટ
----------------------
ભડભાદર ને ભાયડો ,ભલાજી....
વાતું-ચીતુંમાં વાયડો ભલાજી....
મનમાં બાંધ્યો મધપૂડો,બરડામાં બાવળ;
વણ લખેલા ઈ વાંચતો, જીવતરના કાગળ.
વાદળમાં વાવે રાયડો, ભલાજી........
ઝોળી જેવો ખાટલો,પાંગતમાં સાંધા;
હડિયું કાઢે હાટડે,બીડીયુંના વાંધા.
લાગે તોખાર ! ભલે,ટાયડો ભલાજી.....
દરિયા જેવો દલગજો,દીઠો નવડ દાતાર;
"વાહ,ભલાજી,બંકડા !"કવિયાં કરે પોકાર.
સૂરજને આપી દે છાંયડો, ભલાજી.....
----------------------
ભડભાદર ને ભાયડો ,ભલાજી....
વાતું-ચીતુંમાં વાયડો ભલાજી....
મનમાં બાંધ્યો મધપૂડો,બરડામાં બાવળ;
વણ લખેલા ઈ વાંચતો, જીવતરના કાગળ.
વાદળમાં વાવે રાયડો, ભલાજી........
ઝોળી જેવો ખાટલો,પાંગતમાં સાંધા;
હડિયું કાઢે હાટડે,બીડીયુંના વાંધા.
લાગે તોખાર ! ભલે,ટાયડો ભલાજી.....
દરિયા જેવો દલગજો,દીઠો નવડ દાતાર;
"વાહ,ભલાજી,બંકડા !"કવિયાં કરે પોકાર.
સૂરજને આપી દે છાંયડો, ભલાજી.....
No comments:
Post a Comment