Monday, January 5, 2015

ગીત નહિ-ગઝલ નહિ- અરે,કવિતા પણ નહિ ! બસ,એમ જ !!! @ અરવિંદ બારોટ.

ગીત નહિ-ગઝલ નહિ-
અરે,કવિતા પણ નહિ !
બસ,એમ જ !!! @ અરવિંદ બારોટ.
-----------------------

નથી કોઈનો વાંક સજનવા,નથી કોઈનો દોષ,
આપણ વચ્ચે અંતર પડિયું-જાણે સો સો કોશ...!

ગ્રહપીડા કે કરમપીડા,પુરવજનમના દોષ..!
જાત જાતના ટીપણાં ખોલી જોષી જોવે જોષ...

હથેળિયુંની રેખામાં જે નથી લખ્યું-તે નથી લખ્યું !
લેણ-દેણની માયા સઘળી,શેનો ધરવો રોષ ?

સમય સમયની સંતાકૂકડી..અંતે હાર્યા દાવ અમે,
ભીતર વાગે ઘેરો ઘેરો મહાશંખનો ઘોષ.. !

નહિ પાણીનું ટીપું એકે'.નહિ આંખ પણ ભીની,
ના કોઈ જાણે,ના કોઈ દેખે,આંસુ પડિયાં પોશ..!

No comments:

Post a Comment