સુખી માણસનું ગીત..........@ અરવિંદ બારોટ

સુખી માણસનું ગીત..........@ અરવિંદ બારોટ
_________________

ઠકરાત ગણો કે રજવાડું, મારા ફળિયામાં છે.
દહ કૂંઢી ભેંશુનું ખાડું,મારા ફળિયામાં છે.

વડવા-વારીનું આ મારું વડું ખોરડું, ખમ્મા !
સાચાં મોતી પાકે એવાં વાડી-ખેતર,ખમ્મા !
જોડ બળદની ને ગાડું,મારા ફળિયામાં છે.

મરઘાનેણી નાર ઘરે ને ગગો-ગગી બે રમતા,
કડિયાળી છે ડાંગ હાથમાં,રામ રદામાં રમતા;
નિત પરોણાનું ધાડું,મારા ફળિયામાં છે.

નાતીલા કે પરનાતીલા-બાથ ભરીને મળવું,
સૌના સુખે રાજી થાવું,પરના દુખે બળવું;
પરથમ હો કે છેવાડું,મારા ફળિયામાં