લાજુડીનું નામ............@ અરવિંદ બારોટ
____________
લાજુડીનું નામ એટલે હેમાળાની કંદરામાં નમણું સરોવર...
એ સરોવરના કાંઠે મારી ઝૂંપડી....
ચૈતર-વૈશાખની લૂને પણ પોરો ખાવાનું મન થાય
એવી ટાઢક એટલે લાજુડીનું નામ....
લાજુડીનું નામ તો મોરપીંછનો મલક....નવલખાં મોતીનો મલક...
લાજુડી તો...
રૂપનો થાળ,
મધની પાળ,
વાંસળીનું વહાલ,
રેશમી રૂમાલ......
નીરખું,ચાખું,સૂંઘુ,સાંભળું,અડું...તો બસ, લાજુના નામને...
લાજુ તો મારા હૈયાની હાંસડી....
મારા પટારાનું નાણું....મારું પરોઢિયાનું ગાણું....
મારી રગરગમાં લોહી નહીં,લાજુ વહે છે....
મારા શ્વાસમાં હવા નહીં, લાજુ વહે છે ...
કાળમીંઢ પા'ણાની છાતી ફાડીને તરણું ફૂટે-
એમ લાજુ મારામાં ઊગી છે....
કોઈ મને પૂછે કે લાજુ કોણ છે ? ક્યાં છે ?
તો હું ચૂપ થઇ જાઉં છું ..
પણ,મારી આંખોમાંથી લાજુ બોલે છે
"હું આ રહી !"
____________
લાજુડીનું નામ એટલે હેમાળાની કંદરામાં નમણું સરોવર...
એ સરોવરના કાંઠે મારી ઝૂંપડી....
ચૈતર-વૈશાખની લૂને પણ પોરો ખાવાનું મન થાય
એવી ટાઢક એટલે લાજુડીનું નામ....
લાજુડીનું નામ તો મોરપીંછનો મલક....નવલખાં મોતીનો મલક...
લાજુડી તો...
રૂપનો થાળ,
મધની પાળ,
વાંસળીનું વહાલ,
રેશમી રૂમાલ......
નીરખું,ચાખું,સૂંઘુ,સાંભળું,અડું...તો બસ, લાજુના નામને...
લાજુ તો મારા હૈયાની હાંસડી....
મારા પટારાનું નાણું....મારું પરોઢિયાનું ગાણું....
મારી રગરગમાં લોહી નહીં,લાજુ વહે છે....
મારા શ્વાસમાં હવા નહીં, લાજુ વહે છે ...
કાળમીંઢ પા'ણાની છાતી ફાડીને તરણું ફૂટે-
એમ લાજુ મારામાં ઊગી છે....
કોઈ મને પૂછે કે લાજુ કોણ છે ? ક્યાં છે ?
તો હું ચૂપ થઇ જાઉં છું ..
પણ,મારી આંખોમાંથી લાજુ બોલે છે
"હું આ રહી !"
No comments:
Post a Comment