કાયમી સરનામું દે !...અરવિંદ બારોટ
-------------------------
અત્ર તત્ર સર્વત્ર ભલે તું હોય, કાયમી સરનામું દે !
જતાં-આવતાં મળવાનું મન હોય,કાયમી સરનામું દે !
લાલ ,પીળી કે લીલી,ધોળી ધજા- નિશાની પાક્કી દઈ દે,
નથી મારગે જવાબ દેતું કોઇ, કાયમી સરનામું દે !
મંદિર,મસ્જીદ ગિરજાઘર કે તીરથમાં જઇને હું ગોતું,
એવી કંઈ નવરાશ મને ના હોય,કાયમી સરનામું દે !
મૂરતી-ફોટામાં તો વા'લા નેણ ભરીને નીરખ્યા,
હવે રૂબરૂ વાતુંચીતું હોય ,કાયમી સરનામું દે !
પરભુ બોલ્યા "તારું ઘર એ મારું ઘર છે,સમજી લેજે !-
હું તારામાં,તું મારામાં હોય,કાયમી સરનામું એ...!"
-------------------------
અત્ર તત્ર સર્વત્ર ભલે તું હોય, કાયમી સરનામું દે !
જતાં-આવતાં મળવાનું મન હોય,કાયમી સરનામું દે !
લાલ ,પીળી કે લીલી,ધોળી ધજા- નિશાની પાક્કી દઈ દે,
નથી મારગે જવાબ દેતું કોઇ, કાયમી સરનામું દે !
મંદિર,મસ્જીદ ગિરજાઘર કે તીરથમાં જઇને હું ગોતું,
એવી કંઈ નવરાશ મને ના હોય,કાયમી સરનામું દે !
મૂરતી-ફોટામાં તો વા'લા નેણ ભરીને નીરખ્યા,
હવે રૂબરૂ વાતુંચીતું હોય ,કાયમી સરનામું દે !
પરભુ બોલ્યા "તારું ઘર એ મારું ઘર છે,સમજી લેજે !-
હું તારામાં,તું મારામાં હોય,કાયમી સરનામું એ...!"
No comments:
Post a Comment