આવતી કાલ પછીની કાલે....... @ અરવિંદ બારોટ
_____________________
આવતી કાલ પછીની કાલે
જનમટીપની જેલ તોડીને સૂરજ ભાગશે....
ડામર ઓઢીને શહેરની સડકો પર રખડશે.....
સ્લીપરની તૂટેલી પટ્ટી જેવું જીવન
સાયકલની ઊતરી ગયેલી ચેઈન પર લટકી પડે
તો એમાં બિચારા સૂરજનો શું વાંક !
અહીં દેખાતા બધા જ ચહેરા
ભવાઈ રમવાનું બંધ કરશે કે તરત જ
એમને ટાઢ ચડશે,છાતી સળગશે....
એમની છાતી પર કાચું માંસ શેકીને ખાશે એમના સગાં-સંબંધી....
બધાંના લોહીનો રંગ રાખોડી થઇ જશે....
ધીમેધીમે લોહીનો રંગ ઊડી જશે.....
રંગ વગરનું લોહી પીવાની મજા શી !
બધાંના શરીરોમાં જરાસંઘો નાચતા હશે.....
આ બધું જોઇને
મારા લાલઘૂમ્મ શ્વાસો લીલું મેદાન બનીને વિસ્તરશે.....
અને આંખના કુરુક્ષેત્રમાં અભિમન્યુ છેલ્લે કોઠે હારશે.....
જીવ્યા-મર્યાનો ખાલી શીશો ફૂટી જશે....
લાવાના પહાડ પરથી દડદડતી હડપ્પાની અરસપરસતા
ઊંઘની ગોળી લઈને સૂઈ જશે...
સૂરજ રખડતો જ રહેશે......
આવતી કાલ પછીની કાલે......
_____________________
આવતી કાલ પછીની કાલે
જનમટીપની જેલ તોડીને સૂરજ ભાગશે....
ડામર ઓઢીને શહેરની સડકો પર રખડશે.....
સ્લીપરની તૂટેલી પટ્ટી જેવું જીવન
સાયકલની ઊતરી ગયેલી ચેઈન પર લટકી પડે
તો એમાં બિચારા સૂરજનો શું વાંક !
અહીં દેખાતા બધા જ ચહેરા
ભવાઈ રમવાનું બંધ કરશે કે તરત જ
એમને ટાઢ ચડશે,છાતી સળગશે....
એમની છાતી પર કાચું માંસ શેકીને ખાશે એમના સગાં-સંબંધી....
બધાંના લોહીનો રંગ રાખોડી થઇ જશે....
ધીમેધીમે લોહીનો રંગ ઊડી જશે.....
રંગ વગરનું લોહી પીવાની મજા શી !
બધાંના શરીરોમાં જરાસંઘો નાચતા હશે.....
આ બધું જોઇને
મારા લાલઘૂમ્મ શ્વાસો લીલું મેદાન બનીને વિસ્તરશે.....
અને આંખના કુરુક્ષેત્રમાં અભિમન્યુ છેલ્લે કોઠે હારશે.....
જીવ્યા-મર્યાનો ખાલી શીશો ફૂટી જશે....
લાવાના પહાડ પરથી દડદડતી હડપ્પાની અરસપરસતા
ઊંઘની ગોળી લઈને સૂઈ જશે...
સૂરજ રખડતો જ રહેશે......
આવતી કાલ પછીની કાલે......
No comments:
Post a Comment